එක්සත් රාජධානියේ රාජකීය කුමරිය වන ඈන් කුමරිය නිල සංචාරයක් සඳහා දිවයිනට පැමිණ තිබේ.
අද දහවල් 1.00ට පමණ ඈන් කුමරිය ශ්‍රී ලංකන් ගුවන් සේවයට අයත් UL 504 දරණ ගුවන් යානයෙන් මෙරටට පැමිණි බව අප ගුවන් තොටුපොළ වාර්තාකරු සඳහන් කළේය.
ශ්‍රී ලංකාව සහ බ්‍රිතාන්‍යය අතර 75 වසරක රාජ්‍ය තාන්ත්‍රික සබඳතා සැමරීම වෙනුවෙන් ඈන් කුමරිය දිවයිනට පැමිණ ඇති බව සඳහන්ය.
එමෙන්ම බ්‍රිතාන්‍ය රජ පවුලේ මෙම වසරේ පළමු සංචාරය මෙය වීමද විශේෂත්වයක් වේ.
දින දෙකක් කාලයක් මෙරට රුදී සිටීමට නියමිත ඈන් කුමරිය සංචාරය අතර තුර මහනුවර ඓතිහාසික ශ්‍රී දළදා මාළිගාව වැඳපුදා ගැනීමට නියමිතය.
