ලෝක භෞතචිකිත්සක දිනයට සමගාමී ව මහනුවර ජාතික රෝහලේ භෞතචිකිත්සක අංශය විසින් ක්රීඩාවල නියුතු පාසල් සිසුන් වෙනුවෙන් සංවිධානය කළ විශේෂ වැඩමුළුවක් පසුගිය 12 වන දින පැවැත්විණි.
ක්රීඩා භෞතචිකිත්සාව තුළින් ජාතික හා ජාත්යන්තර මට්ටමේ ක්රීඩක ක්රීඩිකාවන් බිහි කරලීමටත්, ඔවුන් දීර්ඝකාලීන ව ක්රීඩාවේ රඳවා ගැනීමටත් ඉඩ සැලසෙන අයුරු පිළිබඳ මෙයින් දැනුම්වත් කෙරිණි.
ක්රීඩා භෞතචිකිත්සාව, ක්රීඩා පිටියේ සුලබ අනතුරු හා ඒවා වළක්වා ගැනීම, ක්රීඩා අනතුරකට පසු පුනරුත්ථාපනය හා යළි ක්රීඩාවට එක් වීම, ක්රීඩා විශේෂිත භෞතචිකිත්සක මූලධර්ම භාවිතය, උත්තේජක හා ශක්තිජනක ලබා ගැනීමේ බලපෑම හා ක්රීඩා භෞතචිකිත්සාවේ නීතිමය, සදාචාරාත්මක පසුබිම යන තේමා යටතේ විශේෂ දේශන පැවත්වුණු අතර ප්රායෝගිකව යම් යම් ක්රියාකාරකම් ද මෙහි දී සිදු කෙරිණි.
මහනුවර ජාතික රෝහලේ තිලක් අබේසේකර ශ්රවණාගාරයේ දී පැවැත්වුණු මෙම වැඩමුළුවට රෝහල් අධ්යක්ෂ වෛද්ය ඉරේෂා ප්රනාන්දු, රෝහලේ ප්රධාන භෞතචිකිත්සක සේනක වර්ණකුමාර හා භෞතචිකිත්සක මහත්ම මහත්මීන් ද විදුහල්පතිවරුන්, ක්රීඩා භාර ගුරුවරු ගුරුවරියන්, ක්රීඩා පුහුණුකරුවන් සමඟ තුන්සියයකට ආසන්න පාසල් දූ දරුවන් පිරිසක් ද එක්ව සිටියහ.
