ලෝක කුසලාන තරගාවලියේ ශ්‍රී ලංකා කණ්ඩායම හා ඔස්ට්‍රේලියා කණ්ඩායම අතර පැවැති තරගයෙන් ලකුණු 87ක පහසු ජයක් වාර්තා කිරීමට ඔස්ට්‍රේලියා කණ්ඩායම සමත්විය.
මුලින්ම පන්දුවට පහරදුන් ඔස්ට්‍රේලියා කණ්ඩායම ලකුණු 334/7ක් රැස්කිරීමට සමත්වූ අතර ශ්‍රි ලංකා කණ්ඩායමට රැස්කළ හැකිවූයේ ලකුණු 247ක් පමණි.
සුපුරුදු පරිදි මෙම තරගයේදිත් ශ්‍රී ලංකා ඉනිම වෙනුවෙන් සාර්ථක ආරම්භයක් ලබාදීමට නායක දිමුත් කරුණාරත්න (97), කුසල් පෙරේරා (52) සමත්වූය. කෙසේ වෙතත් සෙසු සියලුම පිතිකරුවන් අසාර්ථක විය.
සුපුරුදු පරිදි ඇන්ජලෝ මැතිව්ස්, ළහිරු තිරිමාන්න, කුසල් මෙන්ඩිස්, මිලින්ද සිරිවර්ධන, තිසර පෙරේරා, ධනංජයද සිල්වා යන සියලුම පිතිකරුවන් මෙම තරගයේදිත් අසාර්ථක වූහ.
තරගයේ වීරයා ලෙස ලකුණු 153ක් රැස්කළ ඔස්ට්‍රේලියා නායක ආරොන් ෆින්ච් සම්මාන ලැබීය.
