අධ්යාපන චාරිකාවක යමින් සිටි ගාල්ල මහින්ද විද්යාලයේ සිසුන් පිරිසක් රැගත් බස් රථයක් අම්බලන්තොට දෙහිගහලන්ද ප්රදේශයේදී ලංගම බස් රථයක පිටුපස ගැටීමෙන් අනතුරක් සිදුව තිබෙනවා.
එහිදී සිසුන් 13 දෙනෙකු පමණ සුළු තුවාල ලබා හම්බන්තොට මහරෝහලට ඇතුළත්කර ඇති බවයි වාර්තා වන්නේ.
අද (19දා) උදෑසන 08.30 පමණ මෙම අනතුර සිදුව ඇති අතර බස් රථ දෙකම තංගල්ල දෙස සිට හම්බන්තොට දෙසට ධාවනය වෙමින් තිබියදී ලංගම බස් රථය මගියෙකු ගැනීම සඳහා එකවර රථය නතර කළ අවස්ථාවේදී මෙම අනතුර සිදුව තිබෙනවා.
අනතුරින් බස් රථයේ ගමන්ගත් ගුරුවරුන් දෙදෙනකුද සුළු තුවාල ලබා හම්බන්තොට මහරෝහලට ඇතුළත් කළා.
