“පුළුවන් නම් ඇවිත් පවරා ගන්න.. මට දැන් ආතතිය..” අරලිය සහල් ඩඩ්ලිගෙන් ආණ්ඩුවට අභියෝග(VIDEO)

රටේ ලොකුම ප්‍රශ්නය අරලිය සහල් ව්‍යාපාරය නම් එය රජයට පවරා ගත්තාට තමාට ප්‍රශ්නයක් නොමැති බව ව්‍යාපාරික ඩඩ්ලි සිරිසේන මහතා පවසනවා.

තමන්ට ද දැන් ආතතිය සැදී ඇති බවයි ඔහු සඳහන් කරන්නේ.

අරලිය සහල් ආයතන පවරා ගත්ත ද තමන්ට ප්‍රශ්නයක් නැති බවත් ජීවත් වීමට තවත් ආයතන රැසක් ඇති බවත් ඔහු පෙන්වා දෙනවා.

තමන් මේ ස්ථානයට පැමිණ ක්‍රියාමාර්ගයක් ගන්නා ලෙස අභියෝගයක් කරන බවයි ඔහු අවධාරණය කරන්නේ.

ඩඩ්ලි සිරිසේන මහතාගේ ප්‍රකාශය පහතින් දැක්වෙනවා.

“මේ රටේ කටමැත විතරක් දොඩවන දේශපාලනඥයන්ට මම යෝජනා කරනවා මගේ උපදෙස් අරගෙන රට වෙනුවෙන්, ගොවි ජනතාව වෙනුවෙන් වැඩක් කරන්න මගෙත් එක්ක එකතු වෙන්න කියලා. මටත් දැන් ආතතිය හැදිලා තියෙන්නේ. මේ කතාව ඉවරයක් නෑනේ. මම දන්නවා ඒක පාලනය කරගන්න ක්‍රමය.

රටේ, එහෙම නැත්නම් රජයේ ලොකුම ප්‍රශ්නය අරලිය සහල් ව්‍යාපාරය නම් ඒක දෙන එක කොච්චර හොඳයිද කියන්නකෝ. විශේෂයෙන්ම පොළොන්නරුවේ දේශපාලනඥයන්ට මම කියනවා ඔබට නැති කරන්නට ඕනේ නම් මේ ආයතන පවරා ගත්තට මට ප්‍රශ්නයක් නෑ. මට ජීවත් වෙන්න තව ආයතන ගොඩාක් තියෙනවා.”

අද සමාජයේ මහා ලොකු ව්‍යසනයක් විදිහට කතා කරනවා සහල් මිල සම්බන්ධව. විශේෂයෙන් අරලිය සහල් මෝල සම්බන්ධව. මම අද අභියෝගයක් කරනවා කටමැත දොඩවන්නේ නැතිව මේ ස්ථානයට ඇවිත් බලලා මේ ගැන ක්‍රියාමාර්ගයක් ගන්න කියලා. මට මේවා තිබ්බත් එකයි නැතත් එකයි. මම මේවා යද්දී බදාගෙන අරගෙන යන්න හදන මිනිහෙක් නොවෙයි. මේ රටේ ආර්ථිකය වනසපු එකට මමද වගකියන්න ඕනේ. රටේ සහල් හිඟයක් ඇතිවෙලා තිබෙන බව ඇත්ත. මේක හිඟයක් නොවෙයි. මේක රජයේ ක්‍රියාකලාපය අනුව ඇතිවූ දෙයක්. අද රටම මහලොකුවට කතා කරන විශේෂයෙන්ම පොළොන්නරුවේ ඇතැම් දේශපාලනඥයෝ කතා කරන මේ සයිලෝ ව්‍යාපෘතියේ ඔය සයිලෝ විස්සම පුරවලා තියෙන්නේ වීවලින්. රටේ කොහොමද හාල් හිඟයක් තියෙන්නේ. ඒ විස්සෙන් 16 ක් පුරවලා තියෙන්නේ කීරි සම්බා. සම්බා සහ නාඩු තිබෙන්නේ එකයි දෙකයි. මේක මගේ වරදක්ද. ජනාධිපති ගෙන යන මේ වැඩපිළිවෙළට මම ශක්තියක් වෙන්න කැමතියි. නමුත් ඒක පිළිගන්නේ නැත්නම් සාධාරණ තක්සේරුවක් කරලා මේ මෝල රජයට පවරා ගන්න.” යැයි ඔහු පැවසීය.

You May also like

Comments are closed, but trackbacks and pingbacks are open.