සාමාන්‍ය පෙළ පිළිතුරු පත්‍ර පරීක්ෂාව නතර කෙරේ

අධ්‍යයන පොදු සහතික පත්‍ර සාමාන්‍ය පෙළ විභාගයේ දෙවන අදියරේ පිළිතුරු පත්‍ර පරීක්ෂාව නතර කිරීමට විභාග දෙපාර්තමේන්තුව තීරණය කර තිබේ.

ඒ රට තුළ පවතින ඉන්ධන අර්බුදය හමුවේ පැනනැගී ඇති ගැටලු හේතුවෙනි.

මේ අතර දිවයින පුරා පිහිටි IOC ඉන්ධන පිරවුම්හල් 94ක් සඳහා ඊයේ දිනයේ ත්‍රිකුණාමලය IOC පර්යන්තයෙන් ඉන්ධන බවුසර් පිටත්කර හැර ඇති බව එම සමාගම පැවසීය.

ඉන්ධන බෙදාහැරීම IOC පිරවුම්හල් මගින් පමණක් සිදුකිරීම හේතුවෙන් මේ වනවිට එම පිරවුම්හල් අසල දිගු රථවාහන පෝලිම් දක්නට ලැබේ.

මේ අතර පවතින ඉන්ධන අර්බුදය හේතුවෙන් ප්‍රවාහන පහසුකම අවමවීම නිසා ජනතාව සිය ප්‍රවාහන අවශ්‍යතා සඳහා බස් රථ හා දුම්රිය භාවිතය ඉහළ ගොස් තිබේ.

නමුත් බස් රථ සහ දුම්රිය සීමිත ප්‍රමාණයක් ධාවනයවීම හේතුවෙන් මගී ජනතාව පත්ව තිබුණේ මහත් දුෂ්කරතාවයන්ටය.

You May also like

Leave a Reply

Your email address will not be published.