ගායක අමල්ගේ – රංගන ශිල්පී රයන්ගේ නිවස සෝදිසි කරයි

ඩුබායිහි දී අත්අඩංගුවට ගත් ගායක අමල් පෙරේරාගේ මහරගම නිවස සෝදිසි කළ පොලිස් විශේෂ කාර්ය බළකාය සහ පොලිස් මත්ද්‍රව්‍ය නාශක කාර්යංශය එහි තිබී කොකේන් ඔතන ලද කොපු දෙකක් අත්අඩංගුවට ගත් බව පොලිසිය කියයි.

රංගන ශිල්පී රයන් වැන්ඩන්ඩ්‍රස්ට්‍රායිගේ නිවස පරීක්ෂා කළ විශේෂ කාර්ය බළකාය ඔහුගේ සහෝදරයකු ද අත්අඩංගුවට ගෙන ඇත. සහෝදරයා අත්අඩංගුවට ගත්තේ කුඩා ඩිජිටල් තරාදියක් සහ රහස් සාක්කු සහිත කළු පැහැති ගමන්මල්ලක් එම නිවසේ තිබී හමුවූ නිසා බව පොලිසිය කියයි.

පොලිස් විශේෂ කාර්ය බළකාය සහ පොලිස් මත්ද්‍රව්‍ය නාශක කාර්යංශය ඒකාබද්ධව මෙම මෙහෙයුම සිදු කර තිබේ.

විශේෂ කාර්ය බළකායේ ආරංචි මාර්ග මුලින් කීවේ ගායක අමල් පෙරේරාගේ සහෝදරයකු ද අත්අඩංගුවට ගත් බවයි. කෙසේ වෙතත් ඔහුගේ සහෝදරයාගෙන් ප්‍රකාශයක් සටහන් කර ගත්තද අත්අඩංගුවට නොගත් බව පොලිසියේ ප්‍රකාශකයෙක් පැවසීය.

You May also like

Leave a Reply

Your email address will not be published. Required fields are marked *