ජය ශ්‍රී ලා කවදත් ලංකාවේ සංගීත ක්ෂේත්‍රය තුළ වෙනස් විදියේ නිර්මාණ කරපු කණ්ඩායමක් විදියට ප්‍රසිද්ධයි. ජය ශ්‍රී අයිය මලෝ අලුත් වැඩක් එක්ක එකතු වෙලා ඉන්න බව පහුගිය දිනවල සමාජ මාධ්‍ය තුළ කතාබහට ලක්වුණා. මේ සංවාද වලදී ‘රුවිතේ’ කියන නමත් මතුවෙලා ආවා.
මේ දෙන්නා මගඩි බිස්නස් වැඩක් එක්ක වත් එකතු වෙලාද නැත්නම් දියමන්ති බිස්නස් එකක් කරනවද, ඒත් නැත්නම්, රෙස්ටොරන්ට් චේන් එකක් අලුතින්ද දාලා ද කියන ප්‍රශ්නෙත් බොහෝ දෙනෙක්ට නැගුණා. ඒ කොහොම වුණත්, ඊයේ (24) මේ ගැන පැහැදිලි කිරීමක් කරපු ජය ශ්‍රී ලා කිව්වේ මේක කොහොමටවත් අලුත් බිස්නස් එකක් නම් නෙමෙයි, මේක එයාලගේ අලුත්ම සිංදුව කියලා.
මේ ගැන වැඩිදුර පැහැදිලි කිරීමක් කරන ජය ශ්‍රී රෝහිත කියන්නේ,
‘අපේ අලුත්ම අලුත් ලස්සන සිංදුව. රුවිතේ. මතුවෙන්න. මතුවෙන්න කියන්නේ, ඕගොල්ලන්ගේ ටැලන්ට්ස් තියෙනවා නම්, ඒ ටැලන්ට්ස් ඔපදාගෙන, මතුවෙන්න කියන එක තමයි මේ කියන්නේ.
ලංකාවේ ඉන්න හොඳම ටැලන්ට් සෙට් එකක් කරපු වැඩක්. ඒ වගේම ලංකාවේ දියමන්ති වගේ තියෙන ලස්සනම, තැන්වල තමයි අරන් තියෙන්නේ. ඕගොල්ලන්ට බලන්න පුලුවන්’ කියලා.
දක්ෂයෝ ටිකක් එකතු වෙලා කරපු මේ අලුත්ම නිර්මාණය එළඹෙන සිකුරාදා හවස 5 ට ජය ශ්‍රී යූ ටියුබ් නාලිකාවෙන් එළිදකින්නට නියමිතය. රුවිතේ ගැන ඊට පස්සේ කියවෙන කතා ගැන අපි අවදියෙන්‍.
