ජනප්‍රිය හොලිවුඩ් කොමඩි නළුවෙක් වන කෙවින් හාර්ට් පසුගිය ඉරිදා අලුයම් කාලයේදී දරුණු රිය අනතුරකට මුහුණ දී තිබෙනවා. මෙම අනතුර හේතුවෙන් කෙවින් හාර්ට්ගේ කොඳු නාරටිය ආශ්‍රිත ප්‍රදේශයට දරුණු ලෙස හානි වී තිබෙන බවට වාර්තා වනවා.
මල්හොලන්ඩ් අධිවේගී මාර්ගයේදී ඉරිදා අලුයම 1ට පමණයි මේ අනතුර සිදුවී තිබෙන්නේ. ඒ වන විට කෙවින් හාර්ට් ගමන් කළ ක්ලැසික් ප්ලයිමවුත් රථය ඔහුගේ රියැදුරා වන ජරෙඩ් බ්ලැක් විසින් ධාවනය කරමින් සිට තිබෙනවා. නොසිතූ ලෙස රථයේ පාලනය අහිමි වීමෙන් රථය පාරෙන් ඉවතට පැන ඇති අතර පාරේ පසෙකින් තිබූ ලී වැටක තදින් ගැටී තිබෙනවා. මෙම ගැටීමෙන් රථයට ඉතා බරපතළ ලෙස හානි වී ඇති අතර කෙවින් හාර්ට් ඇතුළු කීප දෙනෙක් පොඩි පට්ටම් වූ රථයේ සිර වී තිබෙනවා.
මද වේලාවකට පසුව කෙවින් හාර්ට්ගේ ආරක්ෂකයින් කණ්ඩායමක් අනතුර වූ ස්ථානයට පැමිණ වෛද්‍ය ප්‍රතිකාර සඳහා කෙවින්ව රැගෙන ගොස් තිබෙනවා.
මෙම දරුණු අනතුරේ ඡායාරූප සහ වීඩියෝ පහතින් දැකගන්න පුළුවන්.
