“කටකතා සහ අසත්‍ය ප්‍රචාර වලට නොරැවටී සිටින්න ” ජනපති ජනතාව අමතයි

කටකතා සහ අසත්‍ය ප්‍රචාර වලට නොරැවටී හැකිතාක් සන්සුන්ව සිටින ලෙස ජනාධිපති මෛත්‍රීපාල සිරිසේන මහතා අද (21)උදෑසන සිදු වූ පිපිරිම් සම්බන්ධයෙන් විශේෂ ප්‍රකාශයක් කරමින් මහ ජනතාවගෙන් ඉල්ලීමක් කර තිබෙනවා.

මෙය කිසි විටෙකත් බලාපොරොත්තු නොවූ සිදුවීමක් බවත් තමන් මේ හේතුවෙන් දැඩි කම්පනයට හා වේදනාවට පත්ව සිටින බවත ජනාධිපති මෛත්‍රීපාල සිරිසේන මහතා අද (21)උදෑසන සිදු වූ පිපිරිම් සම්බන්ධයෙන් විශේෂ ප්‍රකාශයක් කරමින් සඳහන් කළා.

ජනාධිපතිවරයාගේ විශේෂ ප්‍රකාශය පහතින් දැක්වෙනවා.

“කිසි විටෙක බලාපොරොත්තු නොවු සිදුවීමක් සිදු වී තිබෙනවා. මා මෙන්ම ලක් වැසි සියලු දෙනාම දැඩි ලෙස වේදනාවට සහ කම්පනයට පත්ව සිටිනවා. මෙම ප්‍රහාර පිටුපස ඇත්තේ කුමන කුමන්ත්‍රණයක්ද යන්න තවම පැහැදිලි නැහැ. මේ පිළිබඳව සෙවීම සඳහා ආරක්ෂක අංශ වට උපදෙස් ලබා දී තිබෙනවා. ඔවුන් මේ වන විට ඒ අනුව ක්‍රියාත්මක වෙනවා.

ජනතාවට සන්සුන්ව සිටින ලෙස මා ඉල්ලා සිටිනවා. අනවශ්‍ය කටකතා වලට රැවටෙන්න එපා. කිසිදු අනවශ්‍ය බියක් ඇති කරගන්න එපා. රජය මේ සම්බන්ධ පියවර‍ රැගෙන තිබෙනවා. එම වගකීම් ඉටු කරනවා.”

You May also like

Leave a Reply

Your email address will not be published. Required fields are marked *