20ට විරුද්ධ වී ඇත්තේ ‘රාමඤ්ඤ නිකායේ මහනායක හිමියන්ට’නොදන්වායි!

රාමඤ්ඤ මහ නිකායේ මහලේඛාධිකාරී හිමියන් ඇතුළු මහා සංඝරතනය විසින් පවත්වන්නට යෙදුණු මාධ්‍ය හමුව පිළිබඳව තමන් වහන්සේ දැනුවත්ව නොසිටි බව ශ්‍රී ලංකා රාමඤ්ඤ නිකායේ මහනායක අතිපූජ්‍ය නාපාන පේමසිරි මහා නායක හිමියෝ පවසනවා.

ඊයේ (12) පැවති එම මාධ්‍ය හමුවේ දී දැක්වු කරුණු පිළිබඳව තමන් වහන්සේගෙන් විමසීමක් හෝ නොකළ බව ද උන්වහන්සේ වැඩිදුරටත් පැවසුවා..

අද (13) මහනායක හිමියෝ වැඩසිටින මැණික්හින්න හූරීකඩුව විද්‍යාසාගර පිරිවෙනේ දී මාධ්‍ය වෙත අදහස් දක්වමින් උන්වහන්සේ වැඩිදුරටත් මෙසේ පැවසුවා.

“ශාරීරික වෙහෙස නිසා මා වැඩිපුර ගමන් කරන්නේ නැහැ. ඒ නිසා ඊයේ වුණා කියන එක මම දන්නේ නෑ. යම් රැස්වීමක් නිකාය පිළිබඳ කරේ නම් මා දැනුවත් කළ යුතුව තිබුණා. නැතිනම් මහනායක හිමියන් නොදැන ප්‍රකාශ කිරීමට යෝග්‍ය නැති බව ලේකම්වරු දැනගත යුතුයි. අනික් අයත් දැන ගත යුතුයි. අපේ අනුදැනුමක් නැතිව එවැනි ප්‍රකාශ කරන ඒවා භාර ගන්න කෙනෙක් නැහැ.“

මහනායක හිමියන් වැඩිදුරටත් පවසා ඇත්තේ, ශ්‍රී ලංකා රාමඤ්ඤ මහා නිකායේ කතිකාවත අනුව එම පාර්ශවයේ මහා සංඝරතනයට දේශපාලනයට සම්බන්ධ නොවන ලෙස සඳහන් කර ඇති බවයි.

ඒ අනුව දේශපාලනය සම්බන්ධ කරුණු පිළිබඳව අදහස් දැක්වීම සිදුනොවිය යුත්තක් බවත් උන්වහන්සේ පැවසුවා.

ප්‍රජාත්‍රන්ත්‍රවාදයට එරෙහි 20 වන ආණ්ඩුක්‍රම ව්‍යවස්ථා සංශෝධනය අක්‍රීය කිරීමට වහාම පියවර ගත යුතු බව ශ්‍රී ලංකා අමරපුර – රාමඤ්ඤ සාමග්‍රි මහා සංඝ සභාව ඊයේ පවසා සිටියා.

You May also like

1 Comment

  1. Nethwa nethuwa . Benz saranan gachchani . 4 kendare paalu kaalakanni siwrudagaththama danbath gilinawa hera wenamokadda .

Leave a Reply

Your email address will not be published. Required fields are marked *