විපක්ෂ නායක මහින්ද රාජපක්ෂට නම් මේ දවස්වල තමන්ගේ පෞද්ගලික ජිවිතයේ සතුටු දායක ආරංචි එක පිට එක ලැබෙනවා කියලා තමයි දැනගන්න ලැබෙන්නේ. තමන්ගේ පණ වගේ ඉන්න පුතාලා තුන් දෙනාගෙන් දෙදෙනෙක්ම පහුගිය මෑත කාලේ විවාහ ජිවිතයට පත්වුන සතුට වගේම ලොකු පුතා නාමල් රාජපක්ෂත් නොබෝ දිනකින් විවාහ දිවියට පත්වීමේ සතුට ලෙහෙසි පහසු එකක් නොවන බවට කිසිම සැකයක් නෑ.
මේ අතරේ හැමෝගෙම කතා බහට ලක්වුණ චිචී සහ ටට්යානාගේ විවාහයෙන් පස්සේ වැඩිය සද්ද බද්ද නැතුව හිටපු මේ දෙන්නා ගැන ඔන්න ආපහු වතාවක් කතා බහට ලක්වෙන්න පටන් ගත්තේ මේ ළඟදී දවසක නාමල් තමන්ගේ සමාජ මාධ්‍ය ගිණුම්වලට එකතු කරපු තවත් අපූරු පින්තුරයක් නිසා. නාමල් දාපු ඒ පින්තූරයේ පරමාර්ථය වෙන එකක් වුනත් ගොඩක් අය අතරේ කතාබහට ලක්වෙන්න පටන් ගත්තේ ඒ පින්තුරයේ හිටපු ටට්යානාව. ඒකට හේතුව වුනේ තරමක් මෝරපු පුංචි කුසක් ටට්යානා සතුව තියනවා ඒ පින්තූරයේ පැහැදිලිව දකින්න ලැබුන එක. පහුගිය කාලේ එහෙන් මෙහෙන් ඒ ගැන ආරංචි පැතිරුණත් සහතික වශයෙන්ම ඒක හැමෝටම දැනගන්න ලැබුනේ මේ පින්තූරය හරහා කිව්වොත් හරි.
කොහොමින් කොහොමහරි මේ කතාව ඇත්ත කියන එක මේ වෙද්දි ප්‍රසිද්ධ රහසක්. චිචී – ටට්යානා පුංචි පවුලට ඕන ළඟදීම තුන් වැන්නෙකුත් එකතු වෙන්න යනවා වගේම හිටපු ජනාධිපති මහින්ද රාජපක්ෂ ඔන්න සීයා කෙනෙක් වෙන්නත් තව ලොකු කාලයක් නෑ කියලා තමයි ආරංචිය. ඉතින් ඔන්න මේ දෙන්නා තුන්දෙනා වෙන්න යන අලුත් පවුලට අපිත් සුබ පතමු.
