තමන්ගේ කර මාලය සොරකම් කරගෙන යාමට තැත් කළ මාල හොරෙක්ට අමතක නොවන පාඩමක් උගන්වන්නට ඉන්දියාවේ දිල්ලියේ වෙසෙන මවක් හා දුවක් සමත් වී තිබෙනවා. මේ සම්බන්ධ සීසීටීවී වීඩියෝවකුත් මේ වන විට අන්තර්ජාලයේ දක්නට ලැබෙනවා.
ඉහත කී මව සහ දියණිය පාර මාරු වන්නට උත්සාහ ගන්නා අවස්ථාවකදී මෝටර් බයිසිකලයක නැගී ඔවුන් අසලට පැමිණෙන පුද්ගලයින් දෙදෙනෙක් මවගේ මාලය ගලවාගෙන පළා යන්න උත්සාහ කරනවා. නමුත් වහාම ක්‍රියාත්මක වන මව සහ දුව මාලය කඩාගත් සොරාව දැඩි ලෙස ග්‍රහණය කරගන්නට සමත් වෙනවා. ඔහුව බයිසිකලයෙන් බිම ඇද වැටෙද්දී අනිත් සොරා පළා යනවා. මවගෙන් සහ දුවගෙන් මිදී පළායාමට සොරා තැත් කළත් එම තැත සාර්ථක වන්නේ නැහැ. මොහොතකින් එතැනට පැමිණෙන අවට සිටි පිරිස් අතින් දැඩි ගුටි බැට පූජාවකට ලක්වන්නට සොරාට සිද්ධ වෙනවා.
අබ්දුල් ශම්ෂාඩ් සහ විකාස් ජේන් නම් මෙම සොරුන් දෙදෙනා තවත් සොරකම් සහ මංකොල්ලකෑම් රැසකට සම්බන්ධ අය බවට අනාවරණය කරගන්නට දිල්ලි පොලිසිය සමත්ව තිබෙනවා.
සිදුවීමට අදාළ වීඩියෝව පහතින් නරඹන්න පුළුවන්.
