පුද්ගලික රෝහල්වල PCR ගාස්තු ආණ්ඩුවටත් කොකා පෙන්වයි – නීති කඩමින් වාහනයේ සිටම PCR කරන හැටි මෙන්න

පී.සී.ආර්. පරීක්ෂණ සඳහා රුපියල් 6500ක උපරිම මිලක් නියම කර තිබුණද අනුමැතිය ඇති පෞද්ගලික රෝහල් හතරම අදාළ මිල ඉක්මවා පී.සී.ආර්. පරීක්ෂණ සිදුකරන බවට අනාවරණය වී තිබෙනවා.

එසේම පෞද්ගලික මට්ටමින් රෝහල් වෙත පැමිණෙන්නන්ට පීසීආර් පරීක්ෂණ සිදුනොකරන ලෙස නියෝග ලබාදී තිබුණද මේ අතුරින් ඇතැම් රෝහල් එම නියෝග නොතකා Drive thru (‍මෝටර් රථයේ සිටම) පහසුකම මගින් පී.සී.ආර්. පරීක්ෂණ සිදුකරමින් සිටිනවා.

කොවිඩ් වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ලුතිනන් ජෙනරාල් ශවේන්ද්‍ර සිල්වා පසුගියදා පී.සී.ආර්. පරීක්ෂණ සිදුකරන සියලුම රෝහල්වල නියෝජිතයන් කැඳවා පී.සී.ආර්. පරීක්ෂණවල උපරිම මිල රුපියල් 6500කට පවත්වාගෙන යන ලෙසටත් රෝහල් තුළදී පී.සී.ආර්. පරීක්ෂණ සිදුකළ යුත්තේ නේවාසික රෝගීන්ට පමණක් බවටත් උපදෙස් ලබාදුන්නා.

එහෙත් අදාළ රෝහල් හතර රුපියල් 12,000, 9000, 8800 සහ 8500 යන මිල ගණන්වලට රෝහලට පැමිණෙන පුද්ගලයන් වෙනුවෙන් පී.සී.ආර්. පරීක්ෂණ කරන බව අනාවරණය වනවා.

මීට අමතරව විදේශයන්ගේ සිට පැමිණෙන පුද්ගලයන් වෙනුවෙන් කෙරෙන පී.සී.ආර්. පරීක්ෂණවලදී ගුවන් සේවාව සපයන සමාගම් සමග එක්ව හඳුන්වා දී ඇති පැකේජ ක්‍රමය ඔස්සේ පීසීආර් පරීක්ෂණය වෙනුවෙන් රුපියල් 19000 දක්වා ඉහළ මිල ගණන්ද අය කෙරෙන බව ද සඳහන්.

මෙම විමර්ශනයේදී එක් පෞද්ගලික රෝහලක නියෝජිතවරියක සිය පී.සී.ආර්. පහසුකම පිළිබඳව මෙසේ පැහැදිලි කළා.

‘‘ හොස්පිට්ල් එකට ඇවිත් වාහනේ ඉඳගෙනම පී.සී.ආර්. කරන්න පුළුවන්. එහෙම නැතිනම් ඕවද ෆෝන් එපොයිමන්ට්ස් දාලා කරන්න පුළුවන්’’

You May also like

Leave a Reply

Your email address will not be published. Required fields are marked *