කුඩු කිලෝ දහසක් පමණ විකිණූ ‘නිලධාරීන් ගැන පරීක්ෂණ කරද්දී’ පොලිසියේ ලොක්කෙක් අතුරුදන් !

අත්අඩංගුවට ගනු ලැබූ හෙරොයින් නැවත ජාවාරම්කරුවන්ට විකිණූ බව කියන සිද්ධිය සම්බන්ධයෙන් අත්අඩංගුවට ගත් සැකකරුවන් වත්කම් උපයා ඇති ආකාරය සම්බන්ධයෙන් අපරාධ පරීක්ෂණ දෙපාර්තමේන්තුව මේ වනවිට විමර්ශනයක් ආරම්භ කර තිබෙනවා.

ඒ අනුව ඔවුන්ගේ දේපළ, බැංකු ගිණුම් මෙන්ම ස්වර්ණාභරණ මිලදී ගෙන ඇති ආකාරය සම්බන්ධයෙන් විමර්ශනය කරන බවයි වාර්තාවන්නේ.

සිද්ධිය සම්බන්ධයෙන් පොලිස් මත්ද්‍රව්‍යනාශක කාර්යාංශයේ උප පොලිස් පරීක්ෂකවරයෙකු, පොලිස් සැරයන්වරුන් දෙදෙනෙකු, කොස්තාපල්වරුන් දෙදෙනෙකු සහ සිවිල් පුද්ගලයෙකු මේ වනවිට අත්අඩංගුවට ගෙන රඳවාගෙන ප්‍රශ්න කරමින් සිටිනවා.

එසේම පොලිස් මත්ද්‍රව්‍ය නාශක කාර්යාංශයේ සේවය කරන පොලිස් පරීක්ෂකවරයෙකු මේ වනවිට අතුරුදන්ව ඇති අතර, ඔහුව අත්අඩංගුවට ගැනීම සඳහා විමර්ශන ක්‍රියාත්මක බවයි වාර්තාවන්නේ.

දැනට අත්අඩංගුවට ගෙන ඇති පොලිස් නිලධාරීන්ගේ වැඩ තහනම් කිරීමටද වැඩබලන පොලිස්පතිවරයා පියවර ගත් අතර, පොලිස් මත්ද්‍රව්‍ය නාශක කාර්යාංශය භාරව සිටි නියෝජ්‍ය පොලිස්පති සජීව මැදවත්ත පොලිස් සුභ සාධන කොට්ඨාශය වෙත මාරු කර යැවුණා.

එහි නව ප්‍රධානියා ලෙස පත් කෙරුණේ නියෝජ්‍ය පොලිස්පති කේ. අපොන්සුයි.

You May also like

Leave a Reply

Your email address will not be published. Required fields are marked *