ගල් ගැසුවා කියා පොලිසිය වෙඩි තියලා..ධීවරයා මහමග මැරී වැටේ..මොරටුව උණුසුම්..STF කැඳවයි

පොලිසිය විසින් කළ වෙඩි තැබීමකින් පුද්ගලයෙකු මියගොස් තිබෙනවා.

අද අලූයම එකට පමණ මෙම වෙඩි තැබීම සිදුව ඇත්තේ මොරටුව ලුනාව පාලම අසලදීයි.

මුර සංචාරයක නිරත වූ පොලිස් නිලධාරීන් තිදෙනෙකු විසින් ත්‍රිරෝද රථ දෙකක් පරීක්ෂා කිරීමේදී බහින්බස් වීමක් ඇති වී එය දුරදිග ගොස් පොලිස් රාජකාරියට බාධා කිරීම නිසා මෙම වෙඩි තැබීම සිදුව ඇතැයි පොලිස් මාධ්‍ය ප්‍රකාශකවරයා සඳහන් කරනවා.

පරික්ෂා කරන අවස්ථාවේ ත්‍රීරෝද රථ දෙකෙහි සිටි අය බීමත්ව සිට ඇති බවත් එක් පුද්ගලයකු විසින් පොලිස් රථයේ රියදුරාට සහ රථයට ගල් මුල්වලින් පහර දී ඇති බවද ඔහු සඳහන් කළා.

ඇතිවූ තත්වය පාලනය කිරීමට මෙම වෙඩි තැබීම සිදුකර ඇති බවත් පොලිස් මාධ්‍ය ප්‍රකාශකයා සඳහන් කළේ.

මියගොස් ඇත්තේ ඇති පුද්ගලයා 39 හැවිරිදි සිවුදරු පියෙක් වන අතර ධිවර කටයුතු සඳහා යමින් සිටියදී මෙම සිදුවීම් ඇති වී තිබෙනවා.

මෙම මිය යාමත් සමඟ ප්‍රදේශවාසීන් කලහාකාරී ලෙස හැසිරෙමින් පොලිසියට පහරදීමට උත්සාහ කර ඇතත් එම ස්ථානයට පොලිස් විශේෂ කාර්ය බලකාය යොදවා තිබෙනවා.

 

You May also like

Leave a Reply

Your email address will not be published. Required fields are marked *