සිමෙන්ති මිල හදිසියේ ඉහළ යාමත් සමග සිමෙන්ති ආශ්‍රිත සෙසු නිෂ්පාදනවල මිලද ඉහළ දැමීමට සිදුවන බව ගොඩනැගිලි ද්‍රව්‍ය අළෙවිකරුවන් පවසනවා.
ඔවුන් පෙන්වා දෙන්නේ බ්ලෝක් ගල් මෙන්ම සිමෙන්ති මල් පෝච්චි මිල ගණන් ද සුළු වශයෙන් හෝ වැඩි වනු ඇති බවයි. ඒ අනුව දැනට රුපියල් 30 ත් 35 ත් අතර මිලකට අළෙවි වන බ්ලොක් ගලක මිල රුපියල් 5 කින් පමණ ඉහළ යනු ඇති.
වෙළදපොළේ සිමෙන්ති කොට්ටයක මිල රුපියල් සියයකින් ඉහළ ගොස් ඇති බව වෙළදපොල ආරංචි මාර්ග පවසනවා. ඒ අනුව මේ වනවිට වෙළදපොලේ සිමෙන්ති කොට්ටයක් අළෙවි වන්නේ රුපියල් 1,095 කටයි.
සිමෙන්ති මිල වැඩි කරන්නේ නම් අදාළ සමාගම් පාරිභෝගික සේවා අධිකාරියෙන් අවසර ගතයුතු වනවා. ඒ අනුව සිමෙන්ති මිල ඉහළ නැංවීම සම්බන්ධයෙන් තොරතුරු දැන ගැනීම සඳහා නෙත් නිවුස් පාරිභෝගික සේවා අධිකාරිය ඇමතුවද එහි කිසිවෙකු සම්බන්ධ කර ගැනීමට හැකි වූයේ නැහැ.
