එජාපයට කිසිම ආසනයක් නැති වන අවදානමක් – රනිල් සිය අවසන් තිරණයක ප්‍රකාශයට පත් කරයි

එක්සත් ජාතික පක්ෂයට කිසිදු ආසනයක් ලබා ගත නොහැකි තත්ත්වයක් මතුව තිබෙනවා.

මේ අතර මෙවර මහමැතිවරණයෙන් අන්ත පරාජයක් ලැබුවද තමන් කිසිසේත්ම පක්ෂ නායකත්වයෙන් ඉවත් වීමට සූදානම් නැති බව එක්සත් ජාතික පක්ෂයේ නායක රනිල් වික්‍රමසිංහ මහතා පක්ෂයේ ජ්‍යෙෂ්ඨයන් පිරිසකට දැනුම් දී ඇති බව විශ්වාසදායක ආරංචි මාර්ග සදහන් කරනවා.

පක්ෂය ලැබූ දැවැන්ත පරාජය හමුවේ ඉදිරි වැඩකටයුතු සම්බන්ධයෙන් සාකච්ජා කිරීමට කතා කළ පක්ෂයේ ජ්‍යෙෂ්ඨයන් පිරිසකට වික්‍රමසිංහ මහතා මෙම දැනුම් දීම කර ඇති බව පැවසෙනවා.

තමන් තවදුරටත් පක්ෂ නායකත්වයේ සිටින බවත්, පක්ෂයේ කිසිදු තනතුරක් වෙනස් නොකරන බවත්, සිරිකොත පක්ෂ මූලස්ථානය කිසිවකුටත් අත්පත් කර ගැනීමට ඉඩ නොතබන බවත් වික්‍රමසිංහ මහතා මෙහිදී දැනුම් දී ඇති බවද වාර්තා වනවා.

කෙසේ වෙතත් ඩී.එස්. සේනානයක මහතා නිර්මාණය කළ මෙම ඓතිහාසික පක්ෂය තවදුරටත් විනාශ නොකරන ලෙස මෙහිදී ඇතැමුන් වික්‍රමසිංහ මහතාට දැනුම් දී ඇතත් ඉදිරි අවුරුදු පහ තුළද තමන් නායකත්වයේ රැදෙමින් නිසි පුද්ගලයකුට පක්ෂය බාර දීමට ක්‍රියාකරන බවද එම ජ්‍යෙෂ්ඨයන්ට වික්‍රමසිංහ මහතා දැනුම් දී ඇති බව දැනගන්නට තිබෙනවා.

You May also like

Leave a Reply

Your email address will not be published. Required fields are marked *