මාතර පොල්හේනේ හෝටලයක සාදයක් අතර කොකේන් සහ තවත් මත්ද්‍රව්‍ය සමග ඊයේ (03) අත්අඩංගුවට ගැණුනු 17 දෙනා අතර රංගන ශිල්පිණියක් ද සිටිනවා.
ඔවුන් අද (04) මාතර මහේස්ත‍්‍රාත්වරයා හමුවට ඉදිරිපත් කිරීමට නියමිතයි.
මෙම පිරිස විවිධ ප‍්‍රදේශවලින් මාතරට පැමිණ ඇති බවයි විමර්ශනවලින් හෙළිව ඇත්තේ.
වෙරළ සාදයක් සඳහා ඔවුන් එලෙස මාතරට පැමිණ ඇති බවද හෙළි කර ගැණුනා.
අත්අඩංගුවට ගන්නා අවස්ථාවේද ඔවුන්ගෙන් ඇතැම් අය මත්ද්‍රව්‍ය භාවිත කර සිට ඇති බවටයි සැක කෙරන්නේ.
ඔවුන්ට මත්ද්‍රව්‍ය ලැබී ඇත්තේ කෙසේදැයි වැඩිදුර විමර්ශන සිදු කෙරෙනවා.
……………………………………………..
පොලිසිය පනී .. පොල්හේනේ සාදය අතරේ තරුණ තරුණියන් 17ක් රැගෙන ගිහින්
සාදයක් සඳහා මාතර ප්රදේශයේ හෝටලයකට පැමිණ සිටි තරුණ තරුණියන් 17 දෙනෙකු කොකේන් සහ තවත් මත්ද්‍රව්‍ය සමග අත්අඩංගුවට ගැණුනා.
ඒ ඊයේ (03) මාතර පොල්හේන ප්රදේශයේ හෝටලයක දීයි.
තරුණයන් 14 දෙනෙකු සහ තරුණියන් 03 දෙනෙකු ඒ අතර වන බවයි පොලිසිය පවසන්නේ.
අත්අඩංගුවට ගන්නා අවස්ථාවේ ද ඔවුන්ගෙන් ඇතැම් අය මත්ද්‍රව්‍ය භාවිත කර සිටි බවට සැක කෙරෙනවා.
මෙම තරුණ තරුණයින් විවිධ ප‍්‍රදේශවල පදිංචිකරුවන් බවයි විමර්ශනවලින් හෙළිව ඇත්තේ.
සාදයක් සඳහා ඔවුන් මාතරට පැමිණ ඇතැයිද තොරතුරු ලැබී තිබෙනවා. වැටලීම සිදු කෙරුණේ මාතර කොට්ඨාශ දූෂණ මර්දන ඒකකය විසින්.
මතර පොලිසිය වැඩිදුර විමර්ශන සිදු කරනවා. අත්අඩංගුවට ගත් මෙම තරුණ තරුණියන් අද (04) අධිකරණයට ඉදිරිපත් කිරීමට නියමිතයි.
