උපාධිධාරීන් 5,450ක් ගුරු සේවා ව්යවස්ථාව අනුව බඳවා ගැනීමට අමාත්ය මණ්ඩල අනුමැතිය ලැබී ඇති බව අධ්යාපන අමාත්ය ආචාර්ය සුසිල් ප්රේමජයන්ත මහතා පවසනවා.
විද්යා, තාක්ෂණ, ඉංග්රීසි හා විදේශ භාෂා යන ප්රධාන විෂය ධාරා සඳහා පළාත් නමයට අදාළ ව මෙම ගුරුවරුන් බඳවා ගැනෙන බවයි ඒ මහතා කියා සිටියේ.
පළාත් මගින් එම බඳවාගැනීම් ඉදිරියේ දී සිදු කිරීමට නියමිතයි.
ජාතික පාසල් සඳහා ගුරුවරුන් අධ්යාපන අමාත්යාංශය මගින් බඳවාගන්නා බවද අමාත්යවරයා කියා සිටියා
අමාත්යවරයා මෙම අදහස් පළ කළේ ඌව පළාතේ බදුල්ල දිස්ත්රික්කයේ අධ්යාපන ගුණාත්මක සංවර්ධනය සඳහා විදුහල්පතිවරුන් දැනුම්වත් කිරීමේ වැඩසටහනකට එක් වෙමින්.
ඉදිරියේ දී සියලු විද්යාපීඨ ඒකාබද්ධ කර විශ්වවිද්යාලයක් බවට පත් කිරීමේ යෝජනාව ද සංකල්ප පත්රිකාවක් වශයෙන් ඉදිරිපත් කර ඇති අතර 2024 වර්ෂයේදීත් පාසල් නිල ඇඳුම් හා පෙළපොත් නියමිත දිනයන්හි දී සිසුන් අතට පත් කිරීමට සියලු කටයුතු සූදානම් කර තිබෙන බවයි අමාත්යවරයා වැඩිදුරටත් පවසන්නේ.
