ඉන්දියාවේ තත්ත්වය තවත් දරුණු අතට

ඊයේ දිනයේදී පමණක් ඉන්දියාවෙන් කොරෝනා මරණ 3,982 ක් වාර්තා වුණා. මෙවැන පසුබිමකී වුවත්, ඉන්දියාවේ තවදුරටත් මහජන ඒකරාශී විම් පැවැත්වෙන බවයි විදෙස් වාර්තා පැවසුවේ. ඉකුත් දා මැතිවරණයන් පැවැති ප්‍රාන්තවල තවමත් උත්සව මෙන්ම ගැටුම් ද ක්‍රියාත්මකයි.

මේ අතර පෞද්ගලික රෝහල්වල දැඩි සත්කාර ඒකකවල ඇති ඇඳන් මුදලට ලබාදීමේ සිදුවීම් ද මේදිනවල ඉන්දියාවෙන් වාර්තා වනවා.

එලෙස කොරෝනා ආසාදිත මවකට දැඩි සත්කාරයේ ඇඳක් ලබාදීම වෙනුවෙන් පුත්‍රයෙකුගෙන් ඉන්දීය රුපියල් එක්ලක්ෂ 20,000 ක් ලබාගත් සේවකයින් දෙදෙනෙකු පොලීසිය විසින් අත්අඩංගුවට ගෙන තිබුණා.

අදාළ පුත්‍රයා විසින් එම මුදලින් කොටසක් ගෙවා ඇඳක් වෙන් කර මව ඊට යොමු කර තිබුණත් පැය කිහිපයකින් අනතුරුව එම මව මියගොස් තිබෙනවා. අදාළ සිද්ධියෙන් පසුව පුත්‍රයා විසින් සිදුකළ පැමිණිල්ලකට අනුවයි පොලීසිය විසින් රෝහල් සේවකයින් දෙදෙනා අත්අඩංගුවට ගෙන ඇත්තේ.

You May also like

Leave a Reply

Your email address will not be published. Required fields are marked *