විශේෂ කාර්ය බළකාය ‘බරපතළ අපරාධකරුවෙකුගේ ගුද මාර්ගයෙන් ‘ දුරකථන 5ක් එළියට ගනී – සිම් කාඩ්පත් හතරකුත් හමුවේ

දරුණු ගණයේ අපරාධකරුවන් රඳවා ඇති අඟුණකොළපැලැස්ස බන්ධනාගාරය තුළට ගුද මාර්ගයේ සඟවාගෙන ජංගම දුරකථන පහක් රැගෙන යාමට උත්සාහ කළ රැඳවූවෙක් පොලිස් විශේෂ කාර්ය බළකාය විසින් අත්අඩංගුවට ගෙන තිබෙනවා.

මෙලෙස අත්අඩංගුවට පත් සැකකරු ප්‍රතිකාර සඳහා තංගල්ල රජයේ රෝහලට ඇතුළත් කිරීමෙන් පසු නැවත බන්ධනාගාරයට ගෙනවිත් සෝදිසි දොරටුවෙන් ඇතුළු කරගන්නා අවස්ථාවේදී ඔහු සතුව යම් දෙයක් ඇති බවට ස්කෑනර් යන්ත්‍රයෙන් සංඥාවක් නිකුත් වී ඇති බව වාර්තා වනවා.

ඒ අනුව එම රැඳවියා වෙන්කොට තබා මළපහ කිරීමට සැලැස්වීමෙන් අනතුරුව පෙරේදා (01) ජංගම දුරකථන තුනකුත් ඊයේ (02 ) ජංගම දුරකථන දෙකකුත්, සිම් කාඩ්පත් හතරකුත් සොයාගෙන තිබෙනවා.

සුදු පැහැති පොලිතින් කවර තුළ ජංගම දුරකථන ඔතා මෙම රැඳවියා විසින් ගුදමාර්ගයේ සඟවා තිබූ බව පොලිස් විශේෂ කාර්ය බළකාය පවසනවා.

මෙම රැඳවියා ජංගම දුරකථන හා විවිධ මත්ද්‍රව්‍ය බන්ධනාගාර තුළට ගෙන යන ප්‍රවාහනකරුවකු (බංකර්) ලෙස කටයුතු කර ඇති බව විමර්ශනවලදී හෙළි වී තිබුණා.

You May also like

Leave a Reply

Your email address will not be published. Required fields are marked *