කාලගුණ විද්‍යා දෙපාර්තමේන්තුවෙන් ධීවර ප්‍රජාවට අණතුරු ඇඟවීම්

මන්නාරම, පුත්තලම, කොලඹ, ගාල්ල සහ හම්බන්තොට හරහා පොතුවිල් දක්වා වන මුහුදු ප්‍රදේශයේ ලබන 21 වනදා දක්වා ධීවර කටයුතුවල යෙදීමෙන් වැළකී සිටින ලෙස කාලගුණ විද්‍යා දෙපාර්තමේන්තුව ධීවර ප්‍රජාවට දැනුම් දෙයි.

එම මුහුදු ප්‍රදේශවල සුළගේ වේගය පැයට කිලෝමීටර් 80ත් 90 ත් දක්වා ඉහළ යා හැකි බව එම දෙපාර්තමේන්තුව දැනුම් දෙයි.

මේ අතර පවතින අද පස්වරුවේ ද දිවයිනේ බස්නාහිර දකුණ, මධ්‍යම, සබරගමුව, වයඹ සහ උතුරු මැද පළාත්වලත් ත්‍රිකුණාමලය දිස්ත්‍රික්කයේත් පැයට කිලෝමීටර් 70ත් 80ත් පමණ වන තද සුළං ඇති විය හැකි බව සඳහන්ය.

එමෙන්ම මධ්‍යම සහ සබරගමු පළාත් වල ඇතැම් ස්ථානවල මිලිමීටර් 100ක පමණ තද වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.

අද පෙරවරු 08.30න් අවසන් වු පැය 24ක කාලය තුළ උපරීම වර්ෂාපතනය නුවරඑළිය ඩන්කල්ඩ් වතුයාය ප්‍රදේශයෙන් වාර්තා වී ඇති අතර එය මිලිමීටර් 251යි දශම 05ක් වෙයි.

You May also like

Leave a Reply

Your email address will not be published. Required fields are marked *